სასტუმრო დედაქალაქ თბილისის საერთაშორისო აეროპორტიდან სულ რაღაც 100 კმ-ის დაშორებაზე მდებარეობს. ჩვენთან მოსულ სტუმარს ხვდება- კომფორტული, მშვიდი და მყუდრო გარემო. ინტერიერი აღჭურვილია ძველი საოჯახო ნივთებით და ჰარმონიულად ერწყმის თანამედროვე სტანდარტებს, რათა შეუქმნას დამსვენებელს ქართული ყოფის, წარსულისა და აწმყოს შერწყმის წარუშლელი შთაბეჭდილება. ფანჯრებიდან იშლება ულამაზესი ხედი ვენახებზე, რომლებსაც ანაცვლებს კავკასიონის მთები. სასტუმროში განთავსებულია 12 ნომერი: 6 სტანდარტული ორადგილიანი, 2 სამადგილიანი და 4 ლუქსის ტიპის ნომერი, სასტუმროს ყველა ოთახი აღჭურვილია თანამედროვე გათბობა-გაგრილებისა და ცხელი წყლის სისტემებით.