ვიდეოს რეჟისორები არიან სერგეი მინაძე და ტიმოფეი კოლესნიკოვი. მათ აირჩიეს რაჭის ულამაზესი ხედებიც. კოლესნიკოვმა კლიპში მთავარი როლი შეასრულა.

კლიპი ამა წლის ოქტომბერში გადაიღეს, მაგრამ ვიდეო Uma2rman-ის ოფიციალურ არხზე YOUTUBE-ში 24 ნოემბერს გამოქვეყნდა.

კლიპის სიუჟეტით, მთავარი გმირი მთის მდინარის კალაპოტს მიჰყვება და გზაზე საიდუმლო ნიშნებს ეძებს. ვიდეოში ჩანს სიმაღლიდან გადაღებული ულამაზესი პეიზაჟები.

გადამღებ ჯგუფში ბევრი ქართველი სპეციალისტი შედიოდა, მათ შორის: ოპერატორები მერაბ კიკნაძე და გიორგი დანელია, კამერის მექანიკოსი ბაჩო იაკობიძე, გრიმი — ვერა ბედელაძე, ასევე კასკადიორი ერეკლე ლებანიძე, გადამღები ჯგუფის დირექტორები — ივან გუროვი და გოჩა თუშიშვილი.

"ამ კლიპმა საშუალება მომცა, გამეცნო და მემუშავა ბევრ საოცარ და საინტერესო ადამიანთან. საქართველომ გამაოცა არა მხოლოდ თავისი სტუმართმოყვარეობით, არამედ პროფესიული დამოკიდებულებითაც. უღრმესი მადლობა ჩვენი გუნდის მთელ ქართულ ნაწილს", — დაწერა Facebook-ში კლიპის პროდიუსერმა ალექსანდრ კონოვალოვმა.

წყარო: sputnik-georgia.com