როსტომაანთ მარანი ჩვენი მარანი მდებარეობს კახეთში, ქალაქ თელავის ცენტრალურ უბანში, დასასვენებელ პარკ ნადიკვართან ახლოს. მარანში ვაწარმოებთ ქვევრის ღვინოს კახური ტრადიციული წესით. მარანში  დაახლოებით 200 წლის ქვევრებია, ჯამში 35000 ლიტრის მოცულობის, სულ 5 ქვევრია.  წელიწადში დაახლოებით 2000 ბოთლის ღვინოსა  და 500-ამდე ჭაჭის არაყს  ვაწარმოებთ. ჩვენი ქვევრის ღვინო კახური წესით არის დაყენებული ჩვენს მიერ კახური წესით ღვინის დაყენება გულისხმობს შემდეგს: ყურძენს ვწურავთ ქვევრში მთლიანად თავისი კლერტით,  იწყება ღვინის დადუღების პროცესი, რომლის დროსაც დღეში 4-5 ჯერ ვურევთ ჩაწურულ სითხეს ისე რომ ჭაჭა ზემოდან არ გაშრეს და სულ სველი იყოს, მას შემდეგ რაც წვენი ღვინოდ გადაიქცევა, შაქარი დაიშლება და ჭაჭა დაიწყებს ძირს ჩასვლას, ხოლო ყურძნის წვენი კი ზემოთ მოექცევა, ვლუქავთ ქვევრებს თიხით და ვაყოვნებთ თავისივე ჭაჭაზე 6 თვის განმვალობაში.  ქვერში ღვინის  დაწმენდა ხდება  ბუნებრივი წესით, ჭაჭა თავისი კლერტით წმინდავს ღვინოს და აძლევს სასიამოვნო არომატებს და დადებით თვისებებს რაც გაცილებით უფრო სამარგებლოს ხდის და მიმზიდველ სასმელად აქცევს.