2017 წლის 15,16 და 17 ივლისს, სვანეთში (ჭუბერსა და ნაკრაში), ფესტივალი „ჩვენ ვართ სვანეთი“ პირველად გაიმართება და ვიმედოვნებთ, რომ სტუმრებისა და ადგილობრივი მოსახლეობის მონდომებით, ფესტივალი ადგილობრივი კულტურისა და ტრადიციების ნაწილი გახდება.

ფესტივალი: 
- მიზნად ისახავს მოიზიდოს ადამიანები, ორგანიზაციები და მეწარმეები, ვისაც სურს, წვლილი შეიტანოს სვანური კულტურის, ბუნების, ცხოვრების სტილის დაცვაში და ამ გზით ხელი შეუწყოს ამ რეგიონში ეკოტურიზმის განვითარებას. 
- გულისხმობს სვანეთში ადამიანების თავმოყრას, გრძელვადიანი საკომუნიკაციო ქსელის შექმნას, სწავლებას, ადგილობრივ მოსახლეობასადა სტუმრებს შორის სამომავლო პარტნიორობას - გამოცდილების, საკუთარი ისტორიებისა და ცოდნის გაცვლის გზით.

ამ ფესტივალისთვის სვანეთში ვიკრიბებით ადამიანები როგორც საქართველოდან, ასევე მსოფლიოს სხვა ქვეყნებიდან! გეპატიჟებით ყველას! ფესტივალის პროგრამა მოიცავს საინტერესო და გამორჩეულ აქტივობებს. ფესტივალის მონაწილეებს საშუალება ექნებათ დაესწრონ და შეუერთდნენ შემდეგ ღონისძიებებს:

- კულტურული აქტივობები: ტრადიციული და საერთაშორისო სიმღერები, ცეკვები, კერძები და ხელოვნების ნიმუშები სხვადასხვა სოფლიდან;

- სპორტული აქტივობები: ლაშქრობა, თევზაობა, მდინარის სათავგადასავლო ტური და სხვა;

- ვორქშოფები: როგორ დავამზადოთ სვანური კერძები, სვანური ქუდები, ტრადიციული ხელნაკეთი ნივთები, ფოტო-ნამუშევრები, მასალის მეორადი გადამუშავება , გიტარის გაკვეთილები და სხვა;

- სწავლება ბუნების შესახებ: პრეზენტაციები, ჩიტებზე დაკვირვება და სხვა;

- პრეზენტაციები და დისკუსიები: სვანური ტრადიციები, სვანეთის ისტორია, როგორ განვავითაროთ სვანეთი, რათა გახდეს ტურისტულად და კულტურულად მიმზიდველი რეგიონი და სხვა;

- ფილმის ჩვენება: ფილმები სვანური ტრადიციებისა და კულტურის შესახებ;

- არაფორმალური აქტივობები: პარტნიორობის დამყარება, გამოცდილებისა და ცოდნის გაზიარება, ადგილობრივი ადამიანების ინიციატივების მხარდაჭერა, ადგილობრივი ბაზრის ხელშეწყობა და სხვა.

და რაც ყველაზე მნიშვნელოვანია - ერთად ვისიამოვნოთ სვანეთით! დეტალური ინფორმაციისთვის ეწვიეთ ფესტივალის ვებ-გვერდს -wearesvaneti.org და FB გვერდს.

გელოდებით ფესტივალზე „ჩვენ ვართ სვანეთი“!

დასწრება თავისუფალია

საკონტატქო პირი: მარიამ დევიძე 598961662

ლოკაცია: https://goo.gl/iDnRYS