სამხრეთ კორეის ფლაგმანი ავიაკომპანია Korean Air საქართველოს ავიაბაზრით ინტერესდება. კომპანიის წარმომადგენლები უკვე შეხვდნენ ტავ ჯორჯიას ხელმძღვანელობას.

Korean Air 1962 წელს დაფუძნდა და დღეისათვის ავიაკომპანია ფრენებს 50 ქვეყანაში, 114 სხვადასხვა მიმართულებით ახორციელებს.

“ტავ ჯორჯია” TAV Airports Holding-ის შვილობილი კომპანიაა. ის საქართველოში 2005 წლიდან ოპერირებს და მოქმედი კონტრაქტით 2027 წლამდე გაგრძელდება.

საქართველოში განხორციელებული 180 მილიონზე მეტი დოლარის ინვესტიციის შედეგად, 2007 წელს ექსპლოატაციაში შევიდა თბილისისა და ბათუმის საერთაშორისო აეროპორტების ახალი სამგზავრო ტერმინალები.

დღესდღეისობით TAV Airports Holding და მისი პარტნიორი კომპანია Aeroports de Paris Group მსოფლიო მასშტაბით ოპერირებას უწევენ 37 აეროპორტს და ემსახურებიან 200 მილიონზე მეტ მგზავრს, მათ შორის(სტამბოლის ათათურქის აეროპორტი, პარიზის შარლ დე გოლის აეროპორტი, ზაგრების, სკოპიეს, რიგის, მედინას აეროპორტები და სხვა).

www.bpi.ge