მსოფლიო კულტურული მემკვიდრეობის ძეგლთა ძირითად ნუსხაში გელათის სამონასტრო კომპლექსის დაბრუნებას პრემიერმინისტრი მთავრობის სხდომაზე გამოეხმაურა და ამ ფაქტს ყველა ქართველისთვის მნიშვნელოვანი მოვლენა უწოდა. ამავდროულად აღნიშნა, რომ ნუსხაში ვერ დაბრუნდება  ბაგრატის ტაძარი

პრემიერმა აღნიშნა, რომ მსოფლიო კულტურული მემკვიდრეობის ძეგლთა ძირითად ნუსხაში გელათისა და ბაგრატის დაბრუნების მიმართულებით მთავრობამ აქტიურად იმუშავა. მან აქტიური ჩართულობისთვის კულტურისა და საგარეო საქმეთა სამინისტროებს მადლობა გადაუხადა.

„მოგეხსენებათ, 2010 წელს იუნესკომ მიიჩნია, რომ ბაგრატის ტაძარზე სამუშაოები დარღვევით ჩატარდა და ამის გამო, როგორც ბაგრატის, ასევე გელათის მსოფლიო მემკვიდრეობის ნუსხაში ყოფნა დიდი კითხვის ნიშნის ქვეშ დადგა. დღეს ჩვენ პრაქტიკულად დავაბრუნეთ გელათი ამ ნუსხაში. ჩვენ ვმუშაობთ, რომ ქუთაისის ისტორიული ლანდშაფტის ზონის ნომინაციაში შეტანის მიმართულებით გადავდგათ წარმატებული ნაბიჯები. რა თქმა უნდა, ბაგრატს ნუსხაში ვერ დავაბრუნებთ, მაგრამ შევეცდებით, ისტორიული ლანდშაფტის ზონა დავადასტურებინოთ იუნესკოს, რაც ვფიქრობთ, მნიშვნელოვანი იქნება”, – აღნიშნა პრემიერ-მინისტრმა.

www.bpi.ge