გერმანიის დედაქალაქ ბერლინში გამართულ ღვინის ფესტივალზე RAW WINE ქართული ღვინის წარდგენასთან დაკავშირებით გაუთვალისწინებელ შემთხვევაზე The Morning Claret-მა სტატია გამოაქვეყნა.

სტატიის ავტორი საიმონ ვულფი განმარტავს, ქართული ღვინოების ტვირთის დაგვიანების მიზეზებს.

ინტერნეტგამოცემაში გამოქვეყნებულ სტატიაში საუბარია, რომ ქართულმა პრესამ და სოციალურმა მედია საშუალებებმა არასწორი ინფორმაცია გაავრცელეს და ტვირთის დაგვიანებაში ბრალი ღვინის ეროვნულ სააგენტოს დასდეს, თუმცა, სააგენტოს თავმჯდომარის, ლევან მეხუზლას განმარტებით, ტვირთი საქართველოდან დროულად გაიგზავნა, თუმცა, გერმანიის საბაჟომ ინსპექტირების მიზნით გააჩერა და ღვინოები ამ დრომდე იქ რჩება.

სტატიაში საიმონ ვულფი აღნიშნავს, რომ მიუხედავად ამ დაბრკოლებისა, გამოფენაზე მაინც მოხერხდა ქართული ღვინოების წარდგენა და ამ ფაქტს ფესტივალის მიმდინარეობისთვის ხელი არ შეუშლია.

“რთული და სტრესული სიტუაციის მიუხედავად, ქართველი მეღვინეები მადლობას უხდიან ღვინის ეროვნულ სააგენტოს მხარდაჭერისთვის,” - წერს ინტერნეტგამოცემა The Morning Claret.

business-partner.ge