ბათუმის შუქურა

ბათუმის ნავსადგურის შუქურის ისტორია აჭარაში ოტომანთა მმართველობის პერიოდიდან - 1863 წლიდან იწყება, როცა ოსმალეთის შუქურების სამმართველომ ბათუმში მდგარი თურქული ციხის კონცხთან პირველი შუქურა ააგო. რიგით მეორე შუქურის აგება 1878 წელს, ბათუმის რუსეთისთვის გადაცემის შემდგომ მოხდა. 21 მეტრის სიმაღლის შუქურა ფრანგული (პარიზული) ფირმის მიერ 1882 წელს იქნა აგებული. ერთი წლის შემდეგ შუქურაზე შუქის ოპტიკური აპარატი დამონტაჟდა. შუქურის კოშკი რვაკუთხა ქვის ნაგებობაა, რომელიც საცხოვრებელი სახლის მსგავსი ფორმით გამოირჩევა.