წედისი არის სოფელი ონის მუნიციპალიტეტში, მდებარეოს კუდაროს ქედის დასავლეთ კალთაზე, მდინარე ჯეჯორას მარჯვენა მხარეზე. ქალაქ ონიდან წედისამდე 16 კილომეტრია.

წედისს ჩრდილოეთით ესაზღვრება სოფელი სხანარი, ხოლო სამხრეთით სოფეი ირი. წედისი მდებარეობს ზღვის დონიდან 1400 მეტრზე. სოფელში ჩამოედინება წედისისღელე, რომელიც მდინარე ჯეჯორას უერთდება. ამ ღელეზე არის რამოდენიმე წისქვილი.

სოფელ წედისში არის წმინდა გიორგის სახელობის ტაძარი, რომელსაც ადგილობრივები გორის ეკლესიას უწოდებენ. წედისელები განსაკუთრებით აღნიშნავენ სულთმოფენობის დღესასწაულს.

2002 წლის აღწერით წედისის მოსახლეობა შეადგენს 163 ადამიანს, ეს ციფრი მეზობელ სოფლებთან შედარებით მაღალია.1959 წლის აღწერით სოფელში იყო 130 კომლი.