გააგრძელებს თუ არა Georgian Airways ფრენებს პრაღის, ლონდონისა და პარიზის მიმართულებით ზაფხულის სეზონის დასრულების შემდეგ, უცნობია. კომპანიის ხელმძღვანელი გივი დავითაშვილი "საქმის კურსთან" აცხადებს, რომ ამ მიმართულებებზე ფრენის ნებართვა ჯერჯერობით მხოლოდ 6 თვის განმავლობაში აქვს. 

გივი დავითაშვილი განმარტავს, რომ ფრენები იმ შემთხვევაში გაგრძელდება მთელი წლის განმავლობაში, თუ მათზე მოთხოვნა დაფიქსირდება. 

შეგახსენებთ, რომ ბოლო პერიოდში კომპანიამ რამდენიმე ახალი მიმართულებით ფრენების დაწყება დაანონსა. თბილისი-ლონდონი (გეთვიკის აეროპორტი)-თბილისი საჰაერო ხაზზე ოპერირებას ავიაკომპანია 15 მაისიდან, კვირაში 2 სიხშირით, ყოველ ორშაბათსა და შაბათს გეგმავს. ავირეისები თბილისი-პრაღა-თბილისის მიმართულებაზე კი 22 მაისიდან, ასევე კვირაში 2 სიხშირით, ყოველ ორშაბათსა და შაბათს შესრულდება. რაც შეეხება პარიზს, ფრენები ამ მიმართულებით ზაფხულიდან დაიწყება, თუმცა, კონკრეტული თარიღი ჯერ ცნობილი არ არის.

WWW.BM.GE