საქართველოს ტურიზმის ასოციაციას 5 ახალი წევრი ყავს

სიახლეები

საქართველოს ტურიზმის ასოციაცია

03 ივლისი, 2017

30 ივნისს საქართველოს ტურიზმის ასოციაციის მორიგ სხდომაზე 5 ახალი წევრი შემოუერთდა.

ასოციაციის წევრმა ორგანიზაციებმა ერთხმად დაუჭირეს მხარი ახალი წევრების გაწევრიანებას.

ვულოცავთ თითოეულ მათგანს GTA - ში გაწევრიანებას, ვუსურვებთ კიდევ უფრო მეტ წარმატებას!

ასოციაციის ახალი წევრები არიან:

Alphabet Hotel

Hotel Kvareli Eden

სასტუმრო კომპლექსი "ყვარლის ედემი" ყვარელში, მდინარე ბურსას მარჯვენა სანაპიროზე, თბილისიდან 153 კილომეტრის დაშორებით მდებარეობს. სასტუმრო ქალაქის ცენტრიდან, სადაც მუზეუმები, ეკლესია და ქალაქის სხვა ღირშესანიშნაობებია, რამდენიმე კილომეტრითაა დაშორებული.

სასტუმროს აქვს მაღალი კლასის ოთახები, რესტორნები, ბარები, საკონფერენციო დარბაზი, ბოულინგი, ბილიარდი, ტენისის კორტი, ღვინოთერაპიის სპა. აქ ქართულ ტრადიციულ სამზარეულოსთან ერთად ევროპული კერძებითაც ისიამოვნებთ.

Hotel River Side

სასტუმრო “რივერსაიდი” მდებარეობს საქართველოს დედაქალაქის ისტორიულ, კომერციულ და არქიტექტურულ ნაწილში, ძველი თბილისის ცენტრში. სასტუმრო მდებარეობს ე.წ. მშრალი ხიდისა და განახლებული მწვანე პარკის მოპირდაპირე მხარეს, სადაც ყოველდღიურად იმართება ქართველი მხატვრების გამოფენა. თუ გაუყვები გზას სასტუმროდან ზევით მიმართულებით, თქვენ იქ დაგხვდებათ დიდი მწვანე მასივი, რომელიც დასვენებისთვის საუკეთესო ადგილს წარმოადგენს.

Local Host Georgia

Ltd Vectory Travel

საქართველოს ტურიზმის ასოციაცია (GTA) დაარსდა 2006 წელს. იგი წარმოადგენს კერძო ტურისტული კომპანიების, სასტუმროების, საოჯახო სასტუმროების და ღვინის ქარხნების ორგანიზაციას, რომლის მიზანია განავითაროს ტურიზმის სფეროში ისეთი მნიშვნელოვანი ასპექტები, როგორიცაა:

საქართველოში ტურისტულ კომპანიებს შორის წარმატებული თანამშრომლობა,
კერძო და სახელმწიფო სექტორებს შორის თანამშრომლობა,
ხარისხის მართვას ტურიზმის სფეროში, ტურისტული ინფორმაციის ხელმისაწვდომობა,
ტურიზმის მდგრადი განვითარება საქართველოში,
რეგიონალური ტურიზმის განვითარება.

ასოციაციის საქმიანობის ძირითადი მიმართულებაა გასვლითი,შემოყვანითი და ადგილობრივი ტურიზმის განვითარების ხელშეწყობა, ახალი ტურისტული პროდუქტების შექმნა და არსებულის გაუმჯობესება.

GTA ხელს უწყობს სასტუმროების საერთაშორისო დაჯავშნის სისტემაში ჩართვას, ტურისტული ინფრომაციის გავრცელებას, ლობირებას, უზრუნველყოფს საკონსულტაციო მომსახურებას, მარკეტინგულ მხარდაჭერას, საგანმანათლებლო სემინარებსა და ტრენინგებს. ასოციაციის მიზანია ქვეყანაში ტურისტული სერვისის გაუმჯობესება და ხარისხის ეფექტური მართვა.

GTA აქტიურად მონაწილეობს გარემოს დაცვის და მდგრადი ტურიზმის განვითარების პროექტებში.

საქართველოს ტურიზმის ასოციაცია ანხორციელებს სხვადასხვა პროექტებს, რომლებიც ხელს უწყობენ ტურიზმის განვითარებას საქართველოში. ამ პროექტებში GTA მჭიდროდ თანამშრომლობს საქართველოს ტურიზმის ეროვნულ ადმინისტრაციასთან, დაცული ტერიტორიების სააგენტოსთნ, საერთაშორისო დონორ ორგანიზაციებთან (EPF, USAID, GIZ, SDC და სხვა), ადგილობრივ პარტნიორებთნ (Elkana, Geoland და სხვა) და ასოციაციის წევრ კომპანიებთან.

GTA არის წევრი:

• ცოდნის ქსელის (UNWTO)

• გლობალური მდგრადი ტურიზმის საბჭოს (GSTC)

• საქართველოს სავაჭრო სამრეწველო პალატის (GCCI)

• საერთაშორისო სავაჭრო პალატის (ICC)

• GTA არის ტურიზმის მრჩეველთა საბჭოს წევრი საქართველოში.

• GTA არის ეკონომიკური პოლიტიკის ადვოკატირების კოალიციის (EPAC) ერთ-ერთი დამფუძნებელი.

ლეგალური ბიზნესგამოცდილების მქონე ყველა ტურისტულ ორგანიზაციას შეუძლია შემოურთდეს საქართველოს ტურიზმის ასოციაციას.

რატომ გავხდეთ GTA-ს წევრი?

ასოციაციის წევრობის სარგებელი, ასოციაციის წევრად გახდომის 12 მიზეზი

1. ყოველდღიური კომუნიკაცია და ინფორმაციის მიწოდება ტურიზმის სფეროში მომხდარი ან დაგეგმილი ღონისძიებების შესახებ (კონფერენციები, ტრენინგები, ბრიფინგები, პრეზენტაციები, შეხვედრები, სიახლეები)

2. ახალი ლოკალური და საერთშორისო პარტნიორების მოძიების შესაძლებლობა

3. შესაძლებლობა მიიღოთ მონაწილეობა ასოციაციისა და მისი პარტნიორების ორგანიზებულ სამთავრობო თუ კერძო სექტორთან შეხვედრებში

4. პრობლემის ერთობლივი ძალისხმევით მოგვარების შესაძლებლობა

5. ასოციაცია შეიძლება იყოს თქვენი ხმა სამთავრობო თუ საკანონმდებლო ტრიბუნებზე

6. დონერების დაფინანსებულ ტურიზმთან დაკავშირებულ პროექტებში მონაწილეობის მიღების შესაძლებლობა

7. ტურიზმის საინფორმაციო ბაზით სარგებლობის შესაძლებლობა

8. ფასდაკლებით სარგებლობის უფლება ასოციაციის წევრი და პარტნიორი კომპანიების მომსახურეობაზე

9. ასოციაციის შიდა სამოტივაციო-გასართობ ღონისძიებებში მონაწილეობის უფლება

10. სხვადასხვა ეროვნული თუ საერთაშორისო დონის კონფერენციებში მონაწილეობის მიღება

11. თქვენი კომპანიის და შემოთავაზებების შესახებ ინფორმაციის გავრცელების შესაძლებლობა ასოციაციის ვებ გვერდზე და ასოციაციის ელექტრონული ფოსტით ბაზის მეშვეობით

12. პერიოდულად მოწვეული უცხოელი კონსულტანტების უფასო მომსახურებით სარგებლობის საშუალება.

ჩვენი მიზანია მოვიზიდოთ აქტიური, მოტივირებული წევრები, რომელთა მოღვაწეობა უფრო მეტად წარმატებულს გახდის ასოციაციას და წაადგება ქვეყანაში ტურიზმის განვითარებას.

იფიქრე რა შეგიძლია გააკეთო შენი ქვეყნისა და შენი ასოციაციისათვის!

www.tourism-association.ge