აჭარას ლვოვიდან ჟურნალისტები და ტურისტული სააგენტოების წარმომადგენლები სტუმრობდნენ. უკრაინის ერთ-ერთი ყველაზე ტურისტული ქალაქიდან აჭარის ტურისტულ პოტენციალს ლვოვის ტურიზმის დეპარტამენტის ხელმძღვანელი, ტელეკომპანიების 1st west TV channel და ZIK channel-ის გადამღები ჯუფები, ასევე უკრაინული ავიაკომპანიებისა და ტურისტული სააგენტოების მენეჯმენტი გაეცნო.

საინფორმაციო ტურის მონაწილეები ქალაქისა და მთიანი აჭარის ძირითად ტურისტულ ღირსშესანიშნაობებს გაეცნენ.  საინფორმაციო ტური ლვოვიდან აჭარის ტურიზმის დეპარტამენტისა და ტურიზმის ეროვნული ადმინისტრაციის ორგანიზებით განხორციელდა. აჭარაში ვიზიტამდე სტუმრებმა თბილისი და ყაზბეგი დაათვალიერეს. 

აჭარის ტურიზმის დეპარტამენტის მონაცემებით, აჭარაში და ზოგადად საქართველოში უკრაინელი მოგზაურების რიცხვი წლიდან წლამდე იზრდება. გასულ წელს, აჭარას 38, 467 უკრაინელი მოგზაური, ხოლო ზოგადად,  საქართველოს 193, 127 უკრაინელი მოგზაური სტუმრობდა, რაც  10.4%-ით აღემატება 2016 წლის მონაცემებს.  მზარდია ავიამიმოსვლების რიცხვიც უკრაინიდან ბათუმის მიმართულებით. 2017 წელს, ზაფხულის ტურისტულ სეზონზე უკრაინიდან ბათუმის მიმართულებით 4 ავიაკომპანია დაფრინავდა. წელს, პირდაპირი ფრენები უკვე იწყება უშაულოდ ლვოვიდან ბათუმის მიმართულებით. 8 ივნისიდან, ავიამიმოსვლა ლვოვი-ბათუმი ყოველ პარასკევს შესრულდება. 19 ივნისიდან,  კი მას დაემატება მეორე რეისი, რომელიც სამშაბათს შესრულდება. 

აჭარის ტურიზმის დეპარტამენტმა გასულ წელს ინფო და პრესტურების მეშვეობით აჭარის ტურისტული პოტენციალი 500-მდე უცხოელ ჟურნალისტსა და ტურისტულ ბიზნესში დასაქმებულ ადამიანს გააცნო. 2018 წელს, რეგიონის პოპულარიზაცია 16 სამიზნე ქვეყანაში  გაგრძელდება. 

www.travelingeorgia.ge