ყაზახური ავიაკომპანია Air Astana ალმათიდან თბილისის მიმართულებით კიდევ ერთ სიხშირეს ამატებს. როგორც AviaNews-ს კომპანიიდან აცნობეს, ნოემბერში ალმათი-თბილისი-ალმათის საჰაერო ხაზზე ფრენები კვირაში 4 სიხშირით შესრულდება და არსებულ გარიგს ხუთშაბათობით დაგეგმილი ფრენები დაემატება.

შესაბამისად, განახლებული განრიგით Air Astana ნოემბერში ალმათსა და თბილისს შორის ფრენებს შეასრულებს: ოთხშაბათს, ხუთშაბათს, პარასკევს და კვირას.
ხოლო დეკემბრიდან მარტამდე პირდაპირი რეისები ალმათიდან თბილისის მიმართულებით კვირაში 3-ჯერ ოთხშაბათს, პარასკევს და კვირას შესრულდება.

ფრენები განხორციელდება Airbus A320 თვითმფრინავით.

ავიაკომპანიაში აცხადებენ, რომ 2023 წლის მაისიდან Air Astana განაახლებს სეზონურ ფრენებს ალმათიდან ბათუმის მიმართულებით და ასევე ასტანადან თბილისის მიმართულებით.

avianews.ge