ანაკლია მუსიკალურ ფესტივალი ECHOWAVES-ის მასპინძობისთვის ემზადება.

ახალი ელექტრონული მუსიკალური ფესტივალი ანაკლიაში 23-26 აგვისტოს პროექტ Check in Georgia-ს ფარგლებში გაიმართება.

ECHOWAVES ევროპაში ერთ-ერთ საუკეთესო და პოპულარული ფესტივალ EXIT-ის ქოლგის ქვეშ იმართება. ფესტივალზე BEN KLOCK B2B MARCEL DETTMANN / SOLOMUN და მსოფლიოში ცნობილი სხვა არტისტები იქნებიან წარმოდგენილები.

ფესტივალზე 4 სცენა იქნება წარმოდგენილი: Main Stage, Eye Stage, Khidi Stage დაTaiyo Stage.

ტურიზმის ეროვნული ადმინისტრაციის ცნობით, ფესტივალის ფარგლებში წარმოდგენილი იქნება სამხრეთ აფრიკული ელექტრონული რეივ-რეპ და ჰიპ-ჰოპ დუეტი Die Antwoord. დუეტი გამორჩეულია თამამი პერფორმანსებით და ექსტრაორდინალური სასცენო იმიჯით.

მუსიკალური პროგრამის კიდევ ერთი განსაკუთრებული ნაწილია დეტროიტ ტექნოს პიონერის, Juan Atkins-ის და თბილისის კონსერვატორიის სტუდენტური ორკესტრის ერთობლივი პროექტი, რომელიც Echowaves-ს ოფიციალურად გახსნის. ანაკლიას ეწვევა ფსიქოდელიური ელექტრონული მუსიკის ლეგენდა Shpongle, პიანისტი Francesco Tristano, რომელიც მსმენელის წინაშე Guti-სთან ერთად, პროექტით Another Paradise წარსდგება. ცალკე აღნიშვნას იმსახურებს ტრიპ ჰოპ მუსიკის საკულტო ფიგურა Tricky.

საქართველოში პირველად, Echowaves-ზე ტექნო სცენის ყველაზე გავლენიანი დიჯეები Ben Klock და Marcel Dettmann ე.წ. B2B სეტს დაუკრავენ. 

ფესტივალზე წარმოდგენილი იქნება ქართული ელექტრონული მუსიკის სცენა, რომელიც Echowaves-ის იდეის მთავარი და საკვანძო ელემენტია. მსმენელს შესაძლებლობა ექნება მოუსმინოს Vodkast Records-ის დამფუძნებლებს Zurkin და Vakho-ს, Zeinkl-ს, ქართველ ტექნო ვეტერანებს Greenbeam & Leon, გიო შენგელიას, Stimmhalt-ს, ASH-ს, Bero-ს და ა.შ.

მუსიკის გარდა, ფესტივალი მოიცავს სპორტულ გამაჯანსაღებელ აქტივობებს, სხვადასხვა ტიპის სახელოვნებო თუ კულტურულ ღონისძიებას, სოციალურ და საგანმანათლებლო პროექტს.

www.travelingeorgia.ge