სტატისტიკის მიხედვით, ქვეყანაში ყველაზე მეტი ადამიანი სახმელეთო საზღვრების გავლით შემოდიოდა, ახლა ეს სახმელეთო საზღვრები მომზადებული არ არის, რამდენიმე თვეა რაც ჩვენ სახელმწიფოს არა ერთ, არამედ რამდენიმე სამოქმედო გეგმას ვითხოვთ, რადგან იმ შემთხვევაში თუ ერთი არ იმუშავებს უნდა გვქონდეს მეორე და უნდა ვიცოდეთ, როგორ მოვიქცეთ კრიზისული სიტუაციის შემთხვევაში.

არავის აინტერესებს რა მდგომარეობაშია ბიზნესი, რომელიც 6 თვის ან 1 წლის განმავლობაში დახურული იყო. -  აღნიშნა ია თაბაგარმა.

ია თაბაგარმა ხაზი გაუზვა, რომ კერძო სექტრის წარმომადგენლებმა რეგულაციები დაწერეს და კანცელარიაშიც შეიტანეს, გარდა ამისა იანვარში კერძო სექტორმა  შეხვედრების დროს 4 მინისტრს გაუზიარა გეგმა იმის შესახებ, თუ როგორ უნდა გაიხსნილიყო ზამთრის  კურორტები. თაბაგარმა აღნიშნა, რომ კერძო სექტორმა მთავრობასთან ვერც  ერთ საკითხთან შეთანხმებას ვერ  მიაღწია.

დაახლოებით 20-მდე ადამიანი, რომლებიც  ლიდერებად გამოიკვეთნენ და ტურიზმის და სტუმარ-მასპინძლობის სექტორში აქტიურად არიან ჩართულები ტელევიზიით, რადიოთი თუ სოციალური ქსელით ხშირად ავრცელებდნენ ინფორმაციას თავიანთი პრობლემების შესახებ.

ჩვენ არა მხოლოდ ვაკრიტიკებთ სახელმწიფოს, არამედ გამოსავალს ვეძებთ, თუ მათ არ იციან რა გააკეთონ, ჩვენ შეგვიძლია დავუდოთ მთელი გეგმა. ხელისუფლებასა და ბიზნესს შორის წარმატებული კომუნიკაცია არ არის, -  აღნიშნა ია თაბაგარმა.

თაბაგარმა მთავრობასა და ბიზნესს შორის წარუმატებელი კომუნიკაციის სამი მიზეზი დაასახელა.

1. სახელმწიფოს არ აქვს შესაბამისი უნარი, რომ გადაწყვეტილება მიღოს და ბიზნესის გახსნის ნაბიჯი გადადგას.

2. ვერ იღებენ პასუხისმგებლობას და ყოველთვის  ეპიდემიოლოგების  მიმართულებით  იშვერენ ხელს და ასევე თვითონ ხელისუფლების წარმომადგენლებშიც არ არის ერთაზროვნება.

3.  ნულოვანი  თანაგრძნობა და ტოლერანტობა სექტორის მიმართ.

თაბაგარის განმარტებით, მთავრობის  მიერ კერძო სექტორისთვის გადაგმული ნაბიჯებიდან მხოლოდ  1 % იყო  წარმატებული, ხოლო  99% წარუმატებელი. მისივე თქმით, იმისათვის, რომ მთავრობა ჩვეულ დინამიკას და ტემპს  დაეწიოს,  ამისთვის კერძო სექტორი,სახელმწიფო სექტორი და დონორი  ორგანიზაციები უნდა გაერთიანდნენ. კერძო სექტორში არსებობს განცდა, რომ მთავრობა და კერძო სექტორი სხვადასხვა პლანეტაზე არიან.

2019 წლის მონაცემიით ქვეყანაში 9 300 000 ადამიანი შემოვიდა, რომელთაგან  ყველა ტურისტი არ იყო, ზოგი ტრანზიტული მგზავრი იყო. არ აქვს ამას მნიშვნელობა, შემოსვლები იყო ძალიან მაღალი, ჩვენ რომ  ამ ციფრს  წელს დავეწიოთ გამორიცხულია, მომავალ წელსაც  რომ დავუბრუნდეთ გამორიცხულია იმიტომ, რომ წელს  საქართველომ ამისთვის არაფერი გააკეთა. სამოქმედო გეგმა არ არსებობს, სტრატეგიასაც აზრი არ აქვს,რადგან რეალობას არ  შეეფერება,  შეიძლება  სტრატეგია  დავწეროთ და ვერ გავყვეთ, იმიტომ  ვსაუბრობ  ახლა  გეგმაზე. რაღაც  ციფრს რომ  მივაღწიოთ,  ისეთი მონდომებით უნდა ვიმუშავოთ, რომ ორი  წელი არ გავჩერდეთ.