ამ  ეტაპზე 100%-ითაა დაჯავშნილი GOOD INN Hotel-ის ნომრები. როგორც სასტუმროს  დამფუძნებელი გიორგი ბოკუჩავა აცხადებს, მისი ძირითადი სტუმრების პოსტსაბჭოთა ქვეყნებიდან არიან. ბოკუჩავას თქმით, სასტუმრო სტუმრებს თავის პროგრამას შესთავაზებს.

„ახალი წლის დადგომას გრანდიოზული ფეიერვერკით შევხვდებით. ამის შემდგომ ქართულ ცოცხალ მუსიკას  სტუმრებს ქართველი შემსრულებლები შესთავაზებენ.  ჩვენთან წარმოდგენილი იქნება ტრადიციული საახალწლო სუფრა. სასტუმროში 25 დეკემბრიდან 7 იანვრამდე გაგრძელდება და სხვა პერიოდთან შედარებით მაღალი საფასო პოლიტიკა გვექნება. ამ პერიოდში ორადგილიანი ნომერი ორჯერადი კვებით 380 ლარი ღირს, ხოლო ერთადგილიანი ნომერი 253 ლარი. ხოლო თებერვლიდან ფასები კვლავ შემცირდება.

ჩვენი ძირითადი სტუმრები ძირითადად პოსტსაბჭოთა სივრცის ქვეყნებიდან არიან“, - აღნიშნა გიორგი ბოკუჩავამ.

გუდაურში მდებარე კიდევ ერთი სასტუმროს, „გუდაურას“ დირექტორი ირაკლი კუტალიააღნიშნავს, რომ სასტუმრო ძირითად აქცენტს ქართულ პროგრამაზე გააკეთებს.

„31 იანვარს სტუმრების წინაშე ჯგუფი „ალილო“ ქალაქური და ხალხური სიმღერებით წარსდგება. ასევე სტუმრებისთვის ანსამბლი „რუსთავი“ იცეკვებს. ჩვენ სასტუმროში ორადგილიანი ნომრის ფასი 31 დეკემბრის ჩათვლით 450 ლარი იქნება. ჩვენთან უცხოელი სტუმრების 100%-ია წარმოდგენილი და ძირითადად პოსტსაბჭოთა ქვეყნები დომინირებენ“, - განუცხადა „კომერსანტს“ კუტალიამ.

როგორც სასტუმრო „რუმს ყაზბეგის“ მენეჯერმა ტატა ჭუმბურიძემ განაცხადა, „ჩვენ მომღერალ თეონა კონტრიძეს ვუმასინძლებთ და სტუმრებს ის სასიამოვნო საღამოს აჩუქებს. ხოლ მომდევნო დღეს სტუმრებს ტერასაზე ელექტრონულ მუსიკას ცოცხალ ინსტრუმენტებთან კოლაბორაციაში შევთავაზებთ. ახალი წლის ღამეს ვვარაუდობ, რომ ქართველი და უცხოელი სტუმრების რაოდენობა 50-50%-ზე იქნება.

რაც შეეხება ნომრების საფასო პოლიტიკას. ორადგილიანი ნომრის ფასი 31 დეკემბერს 885 ლარიდან 1 771 ლარამდე მერყეობს“, - აღნიშნა მენეჯერმა.

ავტორი: ლიკა გურაბანიძე