ზაფხულის ბარათით კურორტებზე (გუდაური, ბაკურიანი, ჰაწვალი, გოდერძი) საბაგიროებით სარგებლობა ზაფხულის განმავლობაში შეუზღუდავად არის შესაძლებელი. ასევე ყველა კურორტის ნებისმიერ ბილეთზე ვრცელდება 20% და 30% ფასდაკლებები ჯგუფების შემთხვევაში. ჯგუფები 10 ადამიანიდან 20 ადამიანამდე 20% ფასდაკლება და 20-დან ზევით 30%-იანი.

აღსანიშნავია, რომ  ბაკურიანში ზაფხულის სეზონის გახსნასთან დაკავშირებით 2 ივლისს ბავშვებისა და მედია საშუალების წარმომადგენლებისთვის შემეცნებით-გასართობი ღონისძიება გაიმართება. ღონისძიებაში მონაწილეობას მიიღებენ, როგორც ადგილობრივი დამსვენებლები, ასევე სპორტ სკოლის ბავშვები.

გონდოლას ზედა სადგურთან მოეწყობა სივრცეები, სადაც მთელი დღის განმავლობაში ჩატარდება სხვადასხვა ტიპის აქტივობები. ბავშვები ერთმანეთს შეეჯიბრებიან მხიარული სტარტების ტიპის თამაშებში. ღონისძიების დასასრულს გაიმართება გამარჯვებულების დაჯილდოვება.