ბათუმი ახალ წელს მრავალფეროვანი ღონისძიებებით ხვდება. როგორც აჭარის ტურიზმის დეპარტამენტში განმარტავენ, საახალწლო კონცერტები ბათუმში დღეიდან დაიწყება და 2 იანვრამდე გასტანს.

„ევროპის მოედანი გადაიქცევა როკის, ფანკის, პოპის, ხალხურ და ალტერნატიულ მუსიკოსთა თავშეყრის ადგილად. ბათუმის ჯაზ-ბიგ ბენდი, ადგილობრივი ბენდები, გამოუვალი მდგომარეობა, ნიაზ დიასამიძე და 33ა შექმნიან საახალწლო განწყობას”, - ნათქვამია დეპრატამენტის გავრცელებულ ინფორმაციაში.

ევროპის მოედანზე დღესვე აინთება ქალაქის მთავარი ნაძვის ხე, მოეწყობა საბავშვო გასართობები, საცირკო წარმოდგენები, ჩიჩილაკის სპექტაკლი, აკრობატი სანტები, სპეციალური საახალწლო სადღესასწაულო პროგრამა, ცეცხლოვანი შოუ, გალა კონცერტი დაუვიწყარ შთაბეჭდილებებს გპირდებათ.

ღონისძიების ფარგლებში, ბათუმი 26 დეკემბერს ღვინის ფესტივალს უმასპინძლებს. 

ავტორი: მაია დემეტრაშვილი

www.travelingeorgia.ge