ბათუმში Rooms Hotel -ის გახსნის თარიღი უცნობია. როგორც „აჭარა ჯგუფის“ მარკეტინგის და ბიზნესის განვითარების დირექტორი ოთო ბერიშვილი რადიო „კომერსანტთან“ საუბრისას აცხადებს, სასტუმროს სამშენებლო პროცესი ნაწილობრივ მიმდინაროებს, თუმცა გახსნის თარიღი ჯერ არ არის დაგეგმილი. „მშენებლობის დიდი, კონსტრუქციული ნაწილი ჩატარებულია და პროცესი გრძელდება, თუმცა ამ ეტაპზე კომპანია თბილისის ახალი სასტუმროს მშენებლობაზეა გადართული, რომელიც  Rooms-ის გვერდით შენდება”- აცხადებს ბერიშვილი.

„აჭარა ჯგუფი“ ბათუმში თავდაპირველად Holiday Inn-ის სასტუმროს გახსნას გეგმავდა, შემდეგ ბრენდი შეიცვალა და ადგილზე Crowne Plaza-ს სასტუმრო უნდა განთავსებულიყო, მოგვიანებით კი კომპანიის ხელმღვანელობამ განაცხადა, რომ აჭარაში Rooms Hotel Batumi-ის გახსნა გადაწყდა.

ბათუმში სასტუმრო გოგებაშვილის 10 ნომერში მდებარეობს, ის პრემიუმ კლასის იქნება.

პროექტის მთლიან საინვესტიციო ღირებულებად 20 მილიონ დოლარი იყო დასახელებული.

ავტორი: სალომე სოსელია

commersant.ge