ეკონომიკის სამინისტრომ Black Sea Arena-ს დირექტორის თანამდებობაზე კონკურსი გამოაცხადა. 

უწყებამ აღნიშნულ თანამდებობაზე საჭირო კადრის შესარჩევად განცხადება jobs.ge-ზე 21 იანვარს განათავსა; წინადადებების მიღება 31 იანვარს იწურება. 

ანაზღაურება მითითებული არაა და წერია, რომ სარგო კანდიდატის კვალიფიკაციისა და სამუშაო გამოცდილების შესაბამისად განისაზღვრება. 

სავალდებულო მოთხოვნების ჩამონათვალშია: უმაღლესი განათლება, სამუშაო გამოცდილება ღონისძიებების ორგანიზებისა და მომსახურების, PR-ის, მარკეტინგის, ტურიზმის ან კულტურის სფეროებში, მენეჯერად მუშაობის 5 წლიანი გამოცდილება, ინგლისური ენის ბრწყინვალედ ცოდნა; 

სასურველი მოთხოვნები: 

** მსხვილი და მნიშვნელოვანი ღონისძიებების ორგანიზების გამოცდილება. დაინტერესებულმა პირმა განაცხადში უნდა ჩამოთვალოს მის მიერ მოწყობილი ღონისძიებები 
** საერთაშორისო შოუ-ბიზნესის სფეროს წარმომადგენლებთან კავშირების ქონა 
** პრომოუტერების, მუსიკოსების წარმომადგენლების, აგენტების და საერთაშორისო ღონისძიებების მომსახურების მიმწოდებლების საერთაშორისო ქსელის მეშვეობით ეფექტური შედეგების მიწოდების გამოცდილება 
** საკონცერტო დარბაზის ეფექტური მენეჯმენტის გამოცდილება 
ხელოვნების დარგის ცოდნა (თეატრი, მუსიკა, ფილმი და სხვ.) 
** დამატებითი რეგიონალური ენის ცოდნა 
საჭირო უნარები: 
** შემოქმედებითობა 
** ეფექტური კომუნიკაციის და ანგარიშგების უნარები (წერითი და ვერბალური) ქართულ და ინგლისურ ენებზე 
** დაგეგმვისა და ორგანიზების მაღალი კულტურა, მათ შორის რესურსების განაწილების ოპტიმიზაცია (ადამიანები, სახსრები, აქტივები) 
** საჯარო გამოსვლებისა და მასმედიასთან კარგი კომუნიკაციის უნარი. 

ამ დრომდე Black Sea Arena-ს დირექტორის თანამდებობა ანი კავლელიშვილს ეკავა. 

ცნობისთვის: შპს “ბლექ სი არენა ჯორჯიას” დირექტორის ძირითადი ფუნქციებია: 

** კომპანიისთვის სტრატეგიული პარტნიორების მოძიება და მათთან მოლაპარაკებების წარმოება; 
** ქართველ და უცხოელ პრომოუტერებთან მოლაპარაკებების წარმოება; 
** საკონცერტო კალენდრის დაგეგმვა; 
** დაგეგმილი ღონისძიებებისთვის კონცეფციის შექმნა და მიმდინარე სამუშაო პროცესებში სრული ჩართულობა; 
** დაგეგმილი ღონისძიებების ბილეთების ფას წარმოქმნაში გადაწყვეტილების მიღება და გაყიდვების კონტროლი; 
** ღონისძიებების პროცესების შეუფერხებლად წარმოებაზე პასუხისმგებლობა.