ლაგოდეხის ნაკრძალმა უცხოელი ვიზიტორების ყურადღება კიდევ ერთხელ მიიპყრო. ბლუზის საერთაშორისო ფესტივალი ნაკრძალის მიმდებარე ტერიტორიაზე წელს მეორედ გაიმართა.

ფესტივალს ადგილობრივებთან ერთად სტუმრობდნენ ტურისტებიც. წელს ბლუზის ფესტივალზე დამსწრეთა დაახლოებით 50% უცხოელი ტურისტებისგან შედგებოდა.

ფესტივალში ჩიკაგოს ერთ-ერთი საუკეთესო ბლუზ ვოკალისტი დეტრა ფარი, ასევე, ბლუზ ბენდი & გია ძაგნიძე მონაწილეობდნენ. ფესტივალზე წარმოდგენილი იყო შერონ ლუისი, მოდერნ ბლუზ ბენდი და სხვა.

ღონისძიება პროექტ Check in Georgia-ს ფარგლებში ტურიზმის ეროვნული ადმინისტრაციის მხარდაჭერით მოეწყო. ტურიზმის ეროვნული ადმინისტრაციის ხელმძღვანელის გიორგი ჩოგოვაძის შეფასებით, ფესტივალი ხელს უწყობს როგორც ქვეყნის, ასევე კახეთის და ლაგოდეხის პოპულარიზაციას.

www.travelingeorgia.ge