სასტუმროებისა და რესტორნების ასოციაციის დამფუძნებლის შალვა ალავერდაშვილის ინიციატივით, ტურიზმის სექტორის წარმომადგენლები შეიკრიბნენ.

შეხვედრას ბიზნესის ასამდე წარმომადგენელი ესწრება.

სასტუმრო ციტრუსში კერძო სექტორის შეკრების მიზანი რუსული კომპანიებისთვის – საქართველოში და ქართული ავიაკომპანიებისთვის რუსეთში ფრენების შეწყვეტის შესახებ გადაწყვეტილებაა.

როგორც შალვა ალავერდაშვილმა BM.GE-ისთან საუბრისას აღნიშნა, მას დღეს, 18:00 საათზე ეკონომიკის მინისტრ ნათია თურნავასთან შეხვედრა აქვს, სადაც მინისტრი კერძო სექტორის ინიციატივებს ელოდება იმის თაობაზე, ამ პერიოდში განსაკუთრებით რა მიმართულებით შეიძლება ქართული ტურიზმის ინდუსტრიისთვის მხარდაჭერა.

bm.ge