საქართველოს რკინიგზა ენიო მორიკონეს კონცერტის დღეს, თბილისი-ბლექ სი არენას მიმართულებით დამატებით რეისს ნიშნავს.

ბლექ სი არენაზე, იტალიელი მუსიკოსის, კონცერტზე დასწრების მსურველებს 19 მაისს, თბილისი-ბათუმის მიმართულებით მოძრავი „შტადლერის“ (Stadler Kiss) ორსართულიანი მატარებელი (#888-887) მოემსახურებათ.

რკინიგზის ცნობით, დამატებითი რეისის მიხედვით: მატარებელი თბილისიდან 14.10 წუთზე გავა და ბლექ სი არენასთან მდებარე ბაქანზე 18.30 წუთზე ჩავა. კონცერტის დასრულების შემდეგ კი მატარებელი, იმავე ბაქნიდან თბილისის მიმართულებით, 00.05 წუთზე გამოვა და დედაქალაქში 04.25 წუთზე ჩამოვა.

მსურველებს ბილეთების შეძენა ცენტრალური ვაგზლის სალაროებში, რკინიგზის ოფიციალურ ვებ-გვერდსა და აპლიკაციიის (Georgian Railway Tickets) საშუალებით შეუძლიათ.