აჭარის ტურიზმის დეპარტამენტმა ფინეთის საერთაშორისო ტურისტულ გამოფენაზე „Matka Nordic Travel Fair“ აჭარის ტურისტული შესაძლებლობები წარადგინა.

ვიზიტორები ტურისტულ პროდუქტებსა და ღირსშესანიშნაობებს რამდენიმე დღის განმავლობაში ეცნობოდნენ. ზღვისა და მთის ტურისტულ პროდუქტებთან ერთად, ვიზიტორების განსაკუთრებული ყურადღება გადამფრენ ფრინველებზე დაკვირვების ტურისტულმა მიმართულებამ მიიპყრო.

Matka Nordic Travel Fair ჩრდილოეთ ევროპაში ერთ-ერთი მასშტაბური ტურისტული გამოფენაა. წელს, მასზე 1000-ზე მეტი ტურისტული კომპანია და ორგანიზაცია 80 სხვადასხვა ქვეყნიდან იყო წარმოდგენილი. მას ყოველწიურად 50 000-ზე მეტი ვიზიტორი სტუმრობს.

აჭარის ტურიზმის დეპარტამენტი გამოფენაში ტურიზმის ეროვნულ ადმინისტრაციასთან და ტურისტულ სააგენტოებთან ერთად მონაწილეობდა.

2018 წელს, აჭარის ტურიზმის დეპარტამენტი რეგიონს 27 ტურისტულ გამოფენაზე წარადგენს. მათ შორის გერმანიაში, ინგლისში, ესპანეთში, ისრაელსა და სხვა ევროპულ ქვეყნებში. 

www.travelingeorgia.ge