კულტურული მემკვიდრეობის დაცვის ეროვნული სააგენტოს ინფორმაციით, ვარძიის ისტორიულ-არქიტექტურულ მუზეუმ-ნაკრძალი 18 მაისს მუზეუმების საერთაშორისო დღეს უერთდება.

პროექტ „ღამე მუზეუმის“ ფარგლებში ვარძიის განათებული კომპლექსი ვიზიტორებს უფასოდ უმასპინძლებს.

საღამოს 18:00 საათიდან მუზეუმ ვარძიის არქიტექტურული კომპლექსის ქვედა სივრცე არამატერიალური კულტურული მემკვიდრეობის მიმართულებით მოღვაწე ხალხური რეწვის ოსტატების ნამუშევრებსა და აგრო-სამრეწველო დარგში ჩართული ფერმერების ნაწარმს დაეთმობა.

ღონისძიება საქართველოს კულტურული მემკვიდრეობის დაცვის ეროვნული სააგენტოსა და აშშ-ის საერთაშორისო განვითარების სააგენტოს (USAID) პროგრამა „ზრდას“ ორგანიზაციული და ფინანსური პარტნიორობის საფუძველზე იმართება.

აქციას „ღამე მუზეუმში“ 2005 წელს ევროსაბჭომ ჩაუყარა საფუძველი. საქართველოში კი ეს  ინიციატივა 2015 წელს დამკვიდრდა.

Commersant