აჭარის მთავრობა კურორტ გოდერძიზე ინვესტიციების ზრდას ელის. ამ დროისთვის კურორტზე 100 მლნ ლარის 10 საუინვესტიციო პროექტი ხორციელდება.

„კურორტზე ტურისტულთან ერთად ასევე ინტენსიურად მიმდინარეობს საინვესტიციო პროცესები. კურორტი „გოდერძი“ ერთადერთი სამთო-სათხილამურო კურორტია საქართველოში, რომლის განვითარება განაშენიანების რეგულირების გეგმით მიმდინარეობს. “გოდერძიზე” მიმდინარე და დაგეგმილი საინვესტიციო პროექტების ფარგლებში, ჩვენი ეკონომიკური გათვალებით, უახლოეს 3 წელში 200 მლნ ლარის ინვესტიციას ველოდებით, რაც 800 ახალ მუდმივ სამუშაო ადგილს და 1300 სასტუმრო ნომერს გულისხმობს“ - აცხადებს აჭარის ფინანსთა და ეკონომიკის მინისტრი.

რამაზ ბოლქვაძის თქმით, “გოდერძიმ” გასულ სეზონთან შედარებით ვიზიტორებისა და ტურისტების კიდევ უფრო მეტ რაოდენობას უმასპინძლა.

2016-2017 წლის სეზონთან შედარებით 2017-2018 წელს კურორტ “გოდერძიზე” დატვირთვის კოეფიციენტი 77,37%-ით ხოლო კაც-დღის რაოდენობა 47,8%-ით გაიზარდა.

www.travelingeorgia.ge