2023 წლამდე გოდერძიზე სამი ლაუნჯი საბაგიროებთან ახლოს მოეწყობა და ჯამში ის 4 000 კვადრატულ მეტრს მოიცავს, ამ ეტაპზე ლაუნჯების სახელწოდებას ჯუმბერ ჭყონია ვერ ასახელებს.

ბიზნესმენი ლაუნჯების გარდა კოტეჯების განთავსებასაც გეგმავს. ჭყონიამ კოტეჯების მშენებლობის ნებართვა  2018 წელს აუქციონის წესით დაახლოებით 3 მილიონ 8 ათას ლარად მიიღო და სამი წლის ვადაში გოდერძიზე 13 კოტეჯის განთავსება იგეგმება. გარდა კოტეჯებისა კომპანია ამ ეტაპზე გოდერძიზე უკვე 14 ნომრიან სასტუმროს და ტურისტულ კვების ობიექტს ფლობს.

მისი თქმით, გოდერძიზე სამომავლოდ მილიონი ლარის ღირებულების ახალი, დამატებითი ადმინისტრაციული შენობა მოეწყობა, სადაც საპატრულო პოლიცია და სასწრაფო განთვასდება.