მას შემდეგ, რაც საქართველოსა და რუსეთს შორის საჰაერო მიმოსვლა შეწყდა, რამაც საქართველოში გამოიწვია რუსი ტურისტების შემცირება ტურისტული ნაკადის მისაღებად ბრძოლა დაიწყეს აზერბაიჯანმა, სომხეთმა, თურქეთმა და სეპარატისტულმა აფხაზეთმა.

თუმცა, აზერბაიჯანელი ექსპერტების აზრით, სავარაუდოდ, მაღალი ფასების და ცუდი სერვისის გამო, რუსი ტურისტების რაოდენობის მკვეთი ზდა აზერბაიჯანში მოსალოდნელი არაა. უკეთეს შემთხვევაში, ქვეყანა მიიღებს საქართველოში დასვენების მსურველი რუსი ტურისტების მხოლოდ 1%-ს. ისიც იმ შემთხვევაში, თუ  სერიოზული სარეკლამო კამპანია ჩატარდება.

2019 წლის იანვარ-აპრილში აზერბაიჯანი მოინახულა 231 000 რუსმა ტურისტმა, რაც 3,4% ნაკლებია,  2018 წლის ანალოგიურ პერიოდთან შედარებით. აპრილში რუსი ტურისტების რაოდენობა შემცირდა წინა წლის აპრილთან შედარებით 4,7%-ით, 64 489-მდე.

აზერბაიჯანის მიმართულებით ორგანიზებული ტურების მოთხოვნის შეფასება ასევე აჩვენებს ან სტაგნაციას, ან კლებას – კომპანიების გაყიდვები ან შემცირდა 10%-ით, ან დარჩა უცვლელი.

რუსული ტუროპერატორის „დელფინის“ დირექტორის სერგეი რომაშკინის აზრით, მოთხოვნის 10%-იანი ვარდნის ერთ-ერთი მიზეზია რუბლის კურსის შესუსტება მანათთან მიმართებაში. ასევე აზერბაიჯანში რუსი ტურისტების რაოდენობის ზრდას ხელს უშლის ავიაბილეთების სიძვირე  – ბაქოში ჩაფრენა ღირს 18-20 ათასი რუბლი, ანუ, თითქმის იმდენივე, რამდენიც ევროპაში.

„ასეთი ფასი აწყობს მხოლოდ შეძლებულ ტურისტებს, რომლებიც ბევრი არაა“ – მიიჩნევს რომაშკინის.

მისი თქმით, ბილეთები თბილისში 20%, ერევანში კი – 10%-ით უფრო იაფია, ვიდრე ბაქოში. რაც თავისთავად არის აზერბაიჯანული მიმართულების სერიოზული ხარვეზია.

სისუსტედ ასევე შეიძლება ჩაითვალოს რუსეთში აზერბაიჯანის ტურისტული პოტენციალის თითქმის ნულოვანი რეკლამა, და მომხმარებელთა ინფორმირებულობის დაბალი დონე.

„აზერბაიჯანი ძალიან სტუმართმოყვარე ქვეყანაა, თუმცა დიდი ტურისტული გარღვევა იქ მოსალოდნელი არაა. ეს არის ახალი მიმართულება, და მას კიდევ სჭირდება განვითარება“ – მიიჩნევს ტურისტული კომპანია PAC Group-ის დირექტორი სვეტლანა გრიცენკო.

ტუროპერატორების შეფასებით, სამხრეთ კავკასიის ქვეყნებში რუსეთში გაყიდული ტურისტული პაკეტების  ყველაზე დიდი წილი მოდიოდა საქართველოზე – 40-45%, შემდეგ სომხეთზე – 30%, და ბოლო ადგილზეა აზერბაიჯანი – მხოლოდ 20%.

სვეტლანა გრიცენკოს აზრით, აზერბაიჯანი აგებს კონკურენტებთან ფასებით, თუმცა, იგებს სასტუმროების ხარისხის და სერვისის დონის თვალსაზრისით.

კომპანია  ANEX Tour-ს დირექტორი კრისტინა ცარიოვა მიიჩნევს, რომ აზერბაიჯანი, საქართველოსგან განსხვავებით, არასაკმარისად მუშაობს მასობრივი ტურიზმის სეგმენტში, და აკეთებს აქცენტს რუსებზე, რომლებიც ჩამოდიან კონკრეტულ ღონისძიებებზე, მაგალითად ფორმულა-1-ის რბოლაზე.

რუსეთის ტუროპერატორთა ასოციაციის ექსპერტების აზრით, უახლოეს პერიოდში აზერბაიჯანი სავარაუდოდ, ვერ ჩაანაცვლებს საქართველოს რუსეთის ტურისტულ ბაზარზე ინფორმირებულობის არასაკმარისი დონის, და მაღალი ფასების გამო.

სათანადო სამუშაოს ჩატარების შემთხვევაში კი ქვეყანას აქვს ამის პოტენციალი.

„ზოგ საკითხში აზერბაიჯანი, როგორც ტურისტული მიმართულება, საქართველოზე უკეთესია, მაგალითად, სერვისის დონე უფრო მაღალია, რაც იგრძნობა უკვე აეროპორტში. მდიდარი კულტურული მემკვიდრეობა, მშვენიერი სამზარეულო და ღვინო  – ეს ტურიზმის მნიშვნელოვანი შემადგენელი ნაწილებია, რაც აზერბაიჯანში არაფრით არაა საქართველოზე უარესი. აქ არის ზღვა, მთები, სამედიცინო კურორტებიც კი. თანაც აზერბაიჯანში დაფრინავს 6 რუსული ავიაკომპანია, ფასები კი – საკმაოდ ხელმისაწვდომია“ – მიიჩნევს ტურისტული კომპანია «Жарков Тур»-ის გენერალური დირექტორი ანდრეი ჟარკოვი.

Commersant.ge