,,პანდემიური მდგომარეობა ჯერ კიდევ მძიმეა, ამიტომ სანამ ზომებს გაამკაცრებენ, სჯობს, არსებულ  რეგულაციებს  მეტი მონიტორინგი გაეწიოს, რაც გაცილებით მეტ შედეგს მოიტანს. დღეს ჩვენ არ გვაქვს სხვა გამოსავალი, გარდა იმისა, რომ  ვისწავლოთ რეგულაციების დაცვა და ვირუსთან თანაცხოვრება. ჩვენი კომპანიის შემთხვევაში, მდგომარეობა გაცილებით უკეთაა, ვიდრე 2020 წელს იყო, შედარებაც არ შეიძლება. ბიზნესს გარკვეული გამოცდილება დაუგროვდა, რაც უკეთ მართვაში გვეხმარება. ამასთან, მნიშვნელოვანია ვაქცინაციის ტემპი დაჩქარდეს. პროცესი ნებაყოფლობითია, ამიტომ ბევრი რამ მოქალაქეებზეა დამოკიდებული. ის გარემოება, რომ მთავრობა არ აპირებს კომპანიებს თანამშრომლების ტესტირების ხარჯის დაფარვას,  ნორმალური გადაწყვეტილებაა. დამსაქმებლებსაც მეტი პასუხისმგებლობა ექნება. კომპანიებისთვის რთული იქნება ამ ხარჯის გაწევა, ამიტომ ისევ დამსაქმებლებს მოუწევთ ამ საფასურის გადაახდა, რაც კიდევ ერთი პირობაა იმისთის, რომ მოქალაქეები აიცრან“, - აცხადებს უჩუმბეგაშვილი ,,კომერსანტთან“.

ზურაბ უჩუმბეგაშვილის ინფორმაციით, კომპანიაში დასაქმებულია 150-მდე ადამიანი, ხოლო საშუალო ხელფასის მოცულობა 1300 ლარს შეადგენს.