იმ ფონზე, როდესაც რუსეთის  პრეზიდენტი ვლადიმერ პუტინი საქართველოს ე.წ. ტურისტულ სანქციებს უწესებს და 8 ივლისიდან ორ ქვეყანას შორის პირდაპირი ავიამიმოსვლა იკრძალება, თბილისი რუს ტურისტებში ყველაზე პოპულარული ავიამიმართულებების  TOP-5-ში ხვდება.

ამის შესახებ რუსული გამოცემა INTERFAX-ი Biletix-ის რეზერვაციის სამსახურზე დაყრდნობით წერს.

2019 წლის პირველ ნახევარში რუსი ტურისტებისთვის  ყველაზე პოპულარული ავიამიმართულებების ხუთეულში თბილისთან ერთად, ერევანი, პრაღა, მინსკი და ბურგასი შევიდნენ.

“აღსანიშნავია ის გარემოებაც, რომ 2018 წლის იანვარ-ივნისთან შედარებით, წელს ანალოგიურ პერიოდში რუსეთიდან საზღვარგარეთ ავიამომოსვლებზე მოთხოვნა 29%-დან 35%-მდე გაიზარდა”, – წერს გამოცემა.