Kazbegi Helicopters-ის დამფუძნებლები მომსახურების გამრავლფეროვნებას და საჰაერო სამაშველო სამსახურის ჩამოყალიბებას გეგმავენ. კომპანიის ხელმძღვანელი ვატო ასათაშვილი bm.ge-სთან აცხადებს, რომ ეს მომსახურება, შესაძლოა, გაზაფხულიდან აამოქმედონ. 

მისი თქმით, სამაშველო სამსახურებს დახმარებას ახლაც უწევენ, თუმცა, დღეს ეს უფრო ნაკლებორგანიზებულია. 

"ამ სამუშაოს ნაწილობრივ ვასრულებთ, თუმცა, სისტემატიზაცია ვერ მოვახერხეთ. შეიძლება გაზაფხულიდან დავიწყოთ. ჩვენი მიზანი იყო, უფრო ორგანიზებულად გაგვეკეთებინა ამ სერვისის მიწოდება. დღეს გვაქვს ჩვენი სამუშაო გრაფიკი და თუ რაიმე გადაუდებელი ხდება, ვწყვეტთ ჩვენს მუშაობას და ვიწყებთ სამაშველო ოპერაციას. ამიტომ გვინდოდა სპეცვერტმფრენის შეძენა, რომელიც იქნებოდა სრულ დატვირთვაზე და 24 საათის განმავლობაში იქნებოდა სრულ მზადყოფნაში",- აცხადებს ვატო ასათაშვილი.

 

ავტორი: სალომე მეცხვარიშვილი

 

www.bm.ge