ქობულეთში ტურისტული სეზონისთვის მზადება აქტიურად მიმდინარეობს. ქობულეთის მუნიციპალიტეტის ცნობით, წესრიგდება ქალაქის ქუჩები და სანაპირო ზოლი.

„ყველაფერს ვაკეთებთ, რომ ტურისტულ სეზონს მაქსიმალურად მომზადებულები დავხვდეთ. ჩვენი სურვილია გვქონდეს სუფთა და მოვლილი ქალაქი, მაგრამ ამისთვის მხოლოდ ჩვენი ძალისხმევა არაა საკმარისი. მინდა მოვუწოდო თითოეულ მოქალაქეს ერთად ვიზრუნოდ ჩვენს ქალაქზე“ - აღნიშნა ქობულეთის მერმა მირიან ქათამაძემ.

ქალაქის იერსახის მოწესრიგების მიზნით სხვადასხვა აქტივობა მიმდინარეობს. გამწვანების სამსახურის ორგანიზებით ფიჭვნარში წესრიგდება მწვანე ზოლი, ქალაქის ქუჩებში იღებება ხე-მცენარეები, სარეველა ბალახისგან იწმინდება მრავალბინიანი საცხოვრებელი სახლების ეზოები, ასევე სანდასუფთავების სამსახური ყოველდღიურად ახორციელებს პლაჟის დასუფთავებას.

ერთ-ერთ ბოლო ტათბირზე ქობულეთის მერიაში ტურისტული სეზონის პერიოდში ზედამხედველობითი ღონისძიებების გამკაცრებაზე ისაუბრეს. მერი გამოვიდა ინიციატივით გამკაცრდეს რეგულაციები ნარჩენების მართვასთან დაკავშირებით.

www.travelingeorgia.ge