ბათუმსა და სოჭს შორის საზღვაო რეისების შესრულება დაიწყება. მიმოსვლის დაწყებას ქართული კომპანია "ექსპრეს ბათუმი" აპირებს. 

კომპანიის ხელმძღვანელი ზურაბ კირცხალია "საქმის კურსთან" აცხადებს, რომ რეისების დაწყებას 22 მაისიდან გეგმავენ. თავდაპირველად გემი „კომეტა“ კვირაში ერთხელ ივლის, ტურისტული სეზონის გააქტიურებასთან ერთად კი სიხშირეები გაიზრდება. 

რაც შეეხება მგზავრობის ღირებულებას, ბათუმიდან სოჭში ბილეთი 250 ლარი ეღირება. "კომეტას" ერთდროულად 114 მგზავრის გადაყვანა შეუძლია.

კომპანიის ხელმძღვანელი "საქმის კურსთან" აცხადებს, რომ სოჭის მიმართულება იმ მიზეზის გამო აირჩიეს, რომ მოთხოვნა მაღალია, მითუმეტეს, რომ სოჭში ბევრი ქართველი ცხოვრობს. 

მისივე თქმით, მიმოსვლას შარშანაც ახორციელებდნენ, თუმცა, ტურისტული სეზონის დასრულების შემდეგ შეაჩერეს.

www.bm.ge