საქართველოს მთავრობამ ტურიზმის განვითარება, განსაკუთრებით კი აჭარის რეგიონში სამთო-სათხილამურო კურორტ გოდერძის პოპულარიზაცია ქვეყნის პრიორიტეტად დაასახელა.

„კომერსანტისთვის“ ექსკლუზიურად გახდა ცნობილი, რომ სასტუმროების ქსელი „ამბასადორი“ მონაწილეობას იღებს კურორტ-გოდერძის განვითარებაში და ახალი სასტუმროს „ამბასადორი გოდერძის“ მშენებლობაში 25 მილიონ ლარამდე ინვესტიციას ახორციელებს. 5 ვარსკვლავიანი, 100 ნომრიანი ევროპული სტანდარტების სასტუმროს მშენებლობის პირველი ეტაპი უკვე დაწყებულია.

როგორც „კომერსანტთან“ „ამბასადორის“ ქსელის მარკეტინგის მენეჯერი თამარ ჯინჭარაძე აცხადებს, „ამბასადორი გოდერძიში“ იქნება – სპა, აუზები, თხილამურების გასაქირავებელი პუნქტი, საკუთარი – 50 ავტომობილზე გათვლილი პარკინგი. თამარ ჯინჭარაძის თქმით, ახალი სასტუმროს მშენებლობა კერძო ინვესტიციით ხორციელდება.