„მესხეთის ქუჩა ცენტალურ მაგისტრალს წარმოადგენს, სადაც საფეხმავლო ბილიკი წლების განმავლობაში დაზიანებული იყო და მოსახლეობის გადაადგილებისათვის პრობლემას წარმოადგენდა. ადგილობრივი მუნიციპალიტეტის დაფინანსებით, სამუშაოები ობიექტზე 9 დღის წინ დაიწყო.

პროექტის ფარგლებში მოეწყობა ასფალტობეტონის ტროტუარები, ბორდიურები, შეკეთდება ქუჩაზე არსებული მოსაცდელი, დაგეგმილია ორცხაურიანი კომბინირებული სანიაღვრე ჭის მოწყობაც, რის შემდეგ მოსახლეობა მოწესრიგებული საფეხმავლო ბილიკით ისარგებლებს.

ტროტუარი ადაპტირებული იქნება შეზღუდული შესაძლებლობის მქონე ადამიანებისათვის.

სამუშაოებისათვის ადგილობრივი ბიუჯეტიდან 104 940 ლარი გაიხარჯება.