საარჩევნო პერიოდში ზუგდიდში ჩამოსული სტუმრები ყველაზე ხშირად მეგრული კერძებიდან რესტორან „დიარონში“ ელარჯს და გებჟალიას უკვეთავდნენ.

როგორც „ლაივპრესს“ რესტორანში განუცხადეს, მხოლოდ 10 დღეში 1 ტონა ყველი დახარჯეს.

„იყო შემთხვევები, როცა ერთ დღეში 100 კილოგრამი და მეტი ყველი გამოგვიყენებია“, – განაცხადეს „დიარონში“.

ქალაქის ცენტრში, სიდიდით მეორე რესტორან „მენძელში“ კი, სააგენტოს უთხრეს, რომ ელარჯის გარდა, ყველაზე ხშირად სტუმრები ხბოს ხორცის ნიგვზიან ხარჩოს და კუპატს ითხოვდნენ.

ზუგდიდის მერის რიგგარეშე არჩევნები განსაკუთრებული ყურადღების ცენტრში მოექცა. ქალაქს საარჩევნო კვირაში უამრავი სტუმარი ჰყავდა.