აჭარას ლვოვიდან ტურისტული სააგენტოების წარმომადგენლები სტუმრობენ და საზღვაო და სამთო ტურისტულ პროდუქტებს ეცნობიან. სტუმრებისთვის რეგიონის ტურისტული პოტენციალისა და ტურიზმის განვითარების მიზნით განხორციელებულ პროექტებზე ვრცელი პრეზენტაცია გაიმართა.

ლვოვიდან ტუროპერტორებისა და სააგენტოების ვიზიტი ლვოვი-ბათუმის მიმართულებით ფრენების დაწყებას უკავშირდება.

როგორც აჭარის ტურიზმის დეპარტამენტში განმარტავენ, ინფოტურის მიზანი ლვოვიდან აჭარაში ტურისტების მოზიდვა და ბათუმის მიმართულებით სპეციალური ტურისტული პაკეტების შემუშავებაა.

პირველი ფრენა ლვოვიდან აჭარის მიმართულებით ფრენები ზაფხულის განმავლობაში ყოველკვირეულად  სამშაბათსა და პარასკევს განხორციელდება.

აჭარაში და ზოგადად, საქართველოში უკრაინელი მოგზაურების რიცხვი წლიდან წლამდე იზრდება. გასულ წელს, აჭარას 38, 467 უკრაინელი მოგზაური, მთლიანობაში კი  საქართველოს 193 127 უკრაინელი მოგზაური სტუმრობდა, რაც  10.4%-ით აღემატება 2016 წლის მონაცემებს. 

მზარდია ავიამიმოსვლების რიცხვიც უკრაინიდან ბათუმის მიმართულებით. წელს, ზაფხულის ტურისტულ სეზონზე უკრაინიდან ბათუმის მიმართულებით ფრენები კიევიდან, ლვოვიდან, ხარკოვიდან და ზაპაროჟიედან განხორციელდება. 

www.travelingeorgia.ge