მამუკა ბახტაძემ კობი-გუდაურის საბაგირო გახსნა, ეს საქართველოში ყველაზე გრძელი – 7.5 კილომეტრიანი საბაგიროა, მასზე 111 გონდოლა არის დამონტაჟებული. 

საბაგიროს მშენებლობა 1 წლის განმავლობაში ხორციელდებოდა, მას მხოლოდ სათხილამურო დატვირთვა არ ექნება და ის სატრანსპორტო მიზნებითაც შეიძლება იყოს გამოყენებული. 

კობი-გუდაურის საავტომობილო გზის ჩაკეტვის შემთხვევაში, ნებისმიერ მოქალაქეს საბაგირო გზით ყაზბეგიდან გუდაურში გადასვლის საშუალება ექნება. საბაგირო აღნიშნულ მანძილს 15 წუთში ფარავს.

საბაგირო გზის მშენებლობისთვის სახელმწიფო ბიუჯეტიდან დაახლოებით 81 მილიონი ლარი იყო გამოყოფილი.