ქართულმა ავიაკომპანია Myway Airlines-მა ბათუმი-თეირანი-ბათუმის მიმართულებით რეგულარული რეისების განხორციელება დაიწყო.

ამ მიმართულებით Myway Airlines-ი რეისებს ყოველ პარასკევს შეასრულებს.

ავიაკომპანია მარშრუტზე 26 ოქტომბრამდე Boeing B737-800-ის ტიპის საჰაერო ხომალდებით იფრენს.

სამოქალაქო ავიაციის სააგენტოს მიერ ავიაკომპანია Myway Airlines-ს რეგულარული საჰაერო მიმოსვლის ნებართვა 8 ივნისს მიენიჭა. Myway Airlines-ზე საჰაერო ხომალდის ექსპლუატანტის სერტიფიკატი სააგენტომ მიმდინარე წლის 23 იანვარს, ხოლო გადაყვანა-გადაზიდვის მოწმობა 23 თებერვალს გასცა.

ამ ეტაპზე “Myway Way Airlines”-ის საკუთრებაში 2007 წელს გამოშვებული ორი ერთეული Boeing B 737-8AL-ია. ავიაკომპანიის ბაზირების ადგილია საქართველო და იგი ქართული საფრენოსნო და ტექნიკური პერსონალით არის დაკომპლექტებული.

www.travelingerogia.ge