„მივიღეთ ორი მნიშვნელოვანი გადაწყვეტილება – ტურისტული ბიზნესის ყველაზე უფრო მოწყვლადი სეგმენტის – მცირე სასტუმროებისთვის საბანკო სესხების პროცენტების თანადაფინანსებას უზრუნველვყოფთ, ასევე დაიგეგმა, რომ საკრედიტო-საგარანტიო მექანიზმის ფარგლებში პრიორიტეტი მიენიჭოს ტურიზმის ინდუსტრიას და სასტუმრო ბიზნესს, რათა განვითარებისა და გაფართოების ახალი პროექტები არ გაჩერდეს, – ეს განცხადება მედიის წარმომადგენლებთან ნათია თურნავამ ბიზნესასოციაციასთან გამართული შეხვედრის შემდეგ განაცხადა, რომელსაც საქართველოს პრემიერ-მინისტრი, მამუკა ბახტაძეც ესწრებოდა.

„დღეს ბიზნესასოციაციაში ვიმსჯელეთ იმ კონკრეტულ ნაბიჯებზე, რომელთა გადადგმასაც აპირებს ხელისუფლება ტურიზმის ბიზნესისთვის იმ შესაძლო ზიანის შესამსუბუქებლად, რაც დაუდგება რუსეთის გადაწყვეტილების გამო. შევისწავლეთ, რა გასაჭირი უდგათ მცირე სასტუმროებს, რადგან ეს არის ყველაზე უფრო მოწყვლადი სეგმენტი, რომელიც დარტყმის ქვეშ დგება. აქედან გამომდინარე, გადავწყვიტეთ, რომ მივიღოთ მონაწილეობა მათი საბანკო სესხების პროცენტის თანადაფინანსებაში, რადგან მთავარი პრობლემა, რაც მესმოდა სექტორთან გამართული შეხვედრების დროს, არის სესხის, ასე ვთქვათ, ტვირთი და ჩვენ ბიზნესს ამ

მისივე განცხადებით, მიღებულია მეორე მნიშვნელოვანი გადაწყვეტილებაც, რომ საკრედიტო-საგარანტიო მექანიზმის ფარგლებში პრიორიტეტი მიენიჭოს ტურიზმის ინდუსტრიას და სასტუმრო ბიზნესს, რათა განვითარებისა და გაფართოების ახალი პროექტები არ გაჩერდეს.

„ჩვენი საკრედიტო სქემა მთლიანად  გადაერთვება ასევე ტურიზმის ინდუსტრიაზე და სასტუმრო ბიზნესზე რათა ახლი გაფართოების პროექტები არ გაჩერდეს ,  ჩვენ მოვახმართ არ რესურს თანა უზრუნველყოფისთვის  როდესაც ბანკი განიხილავს და გასცემს სესხს ახალი სასტუმროს მშენებლობისთვის ან არსებული ტურისტული ბიზნესის გაფართოვებისთვის აქედან გამომდინარე ამ ორი მნიშვნელოვანი გადაწყვეტილებით ჩვენ ტურისტულ ბიზნეს ვუმსუბუქებთ ფინანსურ ტვირთს და სამომავლოდ განვითარებისთვის ვაძლევთ კარგ პერსპექტივას“- განაცხადა ეკონომიკის მინისტრმა.

ნათია თურნავას შეფასებით, ამ ორი მნიშვნელოვანი გადაწყვეტილებით არსებულ ტურისტულ ბიზნესს, მცირე სასტუმროებს მთავრობა უმსუბუქებს ფინანსურ კრიზისს, ასევე ძალიან კარგ პერსპექტივას აძლევს სამომავლო განვითარებისთვის .

„გარდა ამისა, ძალიან აგრესიული, მარკეტინგული სტრატეგია გვექნება ქვეყნის უსაფრთხო იმიჯის განმტკიცებისთვის, რადგან ეს არის ძალიან დიდი მოთხოვნა და ამასთან ერთად, ყველაფერს გავაკეთებთ ტრადიციული ბაზრების შესანარჩუნებლად. უახლოეს დღეებში დავიწყებთ ამაზე მუშაობს კონკრეტული კრიტერიუმებს შესახებ უახლოეს მომავალში გახდება ცნობილი“ – განაცხადა საქართველოს ეკონომიკისა და მდგრადი განვითარების მინისტრმა.

Commersant.ge