ბაკურციხე-წნორის შემოვლითი 16.6 კმ-იანი გზის მშენებლობა დაიწყო. საავტომობილო გზების დეპარტამენტის ინფორმაციით,  აღნიშნული მონაკვეთი, თბილისი-ბაკურციხე-ლაგოდეხის გზის ნაწილია, რომელიც მჭიდროდ დასახლებულ ტერიტორიაზე გადის და სატრანზიტო მოძრაობის მაღალი ინტენსივობით გამოირჩევა.

 

უწყებაში განმარტავენ, რომახალი გზა გვერდს აუვლის მჭიდროდ დასახლებულ წნორს, 6 მიმდებარე სოფელს და ბაკურციხე-წნორის მიმართულებით მოძრავ ავტოტრანსპორტს საჭიროების გარეშე აღარ მოუწევს წნორში და მიმდებარე სოფელში გავლა.

 

ახალი შემოვლითი გზა თბილისი-ბაკურციხე-ლაგოდეხი-აზერბაიჯანის საზღვრის საერთაშორისო გზას არსებულ შიდასახელმწიფოებრივ გზასთან დააკავშირებს. საავტომობილო გზების დეპარტამენტის ინფორმაციით, ბაკურციხე-წნორის შემოვლითი გზის პროექტი 2-ზოლიანი, ასფალტ-ბეტონის საფარიანი გზის და 6 ხიდის მშენებლობას ითვალისწინებს.

 

სამშენებლო სამუშაოების ღირებულება 87.8 მილიონი ლარია.

 

business-partner.ge