ისრაელის წამყვანი მედიასაშუალებების წარმომადგენლები საქართველოს ტურისტულ მიმართულებას გაეცნენ.
ეკონომიკისა და მდგრადი განვითარების სამინისტროს ტურიზმის ეროვნულმა ადმინისტრაციამ ისრაელიდან პრესტურს უმასპინძლა.
5 დღიანი ტურის ფარგლებში მაღალრეიტინგული ტელეკომპანიების, რადიოს, ჟურნალ-გაზეთებისა და ინტერნეტპორტალის წარმომადგენლებმა მცხეთა, გუდაური, ყაზბეგი, ქუთაისი, პრომეთეს მღვიმე და გორი მოინახულეს.
ჟურნალისტთა 8 კაციანმა ჯგუფმა თბილისის სინაგოგა და ეთნოგრაფიული მუზეუმი დაათვალიერა.
ისრაელის მედიის წარმომადგენლებს ძველთბილისში ტურიზმის ეროვნული ადმინისტრაციის ხელმძღვანელი შეხვდა.
გიორგი ჩოგოვაძემ ჟურნალისტებს ტურიზმის ეროვნული ადმინისტრაციის მომზადებული თემატური ბროშურები „ საქართველო ებრაელი მოგზაურთათვის“ გადასცა. ბროშურა ინგლისურ და ებრაულ ენებზე მომზადდა და საქართველოს სხვადასხვა ქალაქებში არსებული სინაგოგებისა და ებრაელთა ისტორიის მუზეუმის შესახებ ინფორმაციას მოიცავს.