საქართველოს ტურიზმის ეროვნული ადმინისტრაციის ინფორმაციით, 2020 წლის 27 აგვისტოდან 2021 წლის 15 თებერვლამდე სახელმწიფო პროგრამაში „იმუშავე საქართველოდან“ ჩართვისა და ქვეყანაში შემოსვლისა და მუშაობის სურვილი 2 479 უცხოელმა გამოხატა.

როგორც BM.GE-ის ტურიზმის ეროვნულ ადმინისტრაციიდან აცნობეს, მიღებული აპლიკაციებიდან 1 750 მოთხოვნა დადასტურდა, ხოლო 370 ადამიანს პროგრამაში მონაწილეობაზე უარი ეთქვა.

„პროგრამის ფარგლებში საქართველოში უკვე შემოვიდა 913 პირი, მოქალაქეობის მიხედვით შემოსული პირები განეკუთვნებიან აშშ-ის, ავსტრალიას, დიდი ბრიტანეთს, რუსეთს, უკრაინას, ახალ ზელანდიას, კანადასა და ა.შ.

ქვეყანაში მიღებული 913 ადამიანი უდრის 6 968 ღამეს საკარანტინე სასტუმროში, რაც საშუალო ღირებულების (70$) გათვალისწინებით 1 700 000 ლარამდე მიღებულ შემოსავალს უდრის. ქვეყანაში შემოსული 913 პირი საშუალოდ 6-თვიან პერიოდში უდრის 11 მლნ-ზე მეტ აშშ დოლარის პოტენციურ დანახარჯს.

დადასტურებული 1 750-მდე რეგისტრირებული ადამიანის აპლიკაცია საშუალოდ 6-თვიან პერიოდში, საკარანტინე სივრცეში ხარჯის გათვალისწინებით 22 მლნ დოლარზე მეტ პოტენციურ დანახარჯს უდრის“, - განმარტავენ ტურიზმის ეროვნულ ადმინისტრაციაში.

აღსანიშნავია, რომ პროგრამაში შემოსული 2 479 განაცხადიდან 58% "ფრილანსერებს" ეკუთვნით; 26% - სრულ განაკვეთზე დასაქმებულს; 16% კი - ანტერპრენერს. უწყების ცნობით, პროექტის ფარგლებში რეგისტრირებული აპლიკანტები მოქალაქეობის მიხედვით 90-ზე მეტ სხვადასხვა ქვეყანას წარმოადგენენ. ტოპ ქვეყნებს შორისაა აშშ, ბელარუსი, უკრაინა, რუსეთი, იაპონია, დიდი ბრიტანეთი, კანადა.

bm.ge