2018 წლის დეკემბერში საქართველოს სავიზო რეჟიმი ირანის, ჩინეთის, ინდოეთის და რუსეთის ყველაზე მეტმა მოქალაქემ დაარღვია.

შინაგან საქმეთა სამინისტროს მიერ გამოქვეყნებული სტატისტიკური ინფორმაციის მიხედვით, გასული წლის დეკემბერში სავიზო რეჟიმი ირანის 214-მა მოქალაქემ დაარღვია. მას მოსდევს ჩინეთი – 88 დარღვევით; 

მესამე ადგილს რუსეთი და ინდოეთი თანაბრად ინაწილებენ – საანგარიშო პერიოდში, სავიზო რეჟიმი რუსეთის და ინდოეთის 17-17-მა მოქალაქემ დაარღვიეს. 

სავიზო რეჟიმის დარღვევის ხუთეულშია მეზობელი თურქეთი (15) და აზერბაიჯანი და სომხეთი 14-14 დარღვევით. 

შსს-ის მონაცემებით, დეკემბერში სავიზო რეჟიმი დაარღვია აშშ-ის, საფრანგეთის, შრი-ლანკას, ეგვიპტის, უკრაინის და ა.შ. სულ უცხო ქვეყნების 438-მა მოქალაქემ.