საგარეჯოს მუნიციპალიტეტის სოფლების – ყანდაურასა და ბადიაურის უწყვეტი წყალმომარაგებისთვის საჭირო საპროექტო და სამშენებლო სამუშაოებზე წყალმომარაგების კომპანიამ ტენდერი გამოაცხადა.

მასშტაბური პროექტის განსახორციელებლად მსურველებს წინადადებების წარდგენა 9 დეკემბრის ჩათვლით შეუძლიათ. სამუშაოების სავარაუდო ღირებულება 14 მილიონ ლარზე მეტია.

წყალმომარაგების კომპანიის ინფორმაციით, დღეის მდგომარეობით, სოფელ ყანდაურასა და ბადიაურში არ არსებობს ცენტრალიზებული წყალმომარაგებს სისტემა. სოფელ ყანდაურაში, მოსახლეობა წყალს წყაროებიდან და კერძო ჭაბურღილებიდან იღებს.

ორი სოფლის მოსახლეობის უწყვეტი წყალმომარაგებისთვის მოეწყობა სატუმბო სადგური, რეზერვუარები, მაგისტრალური მილი, წყალმომარაგების ქსელი და გამრიცხველიანდება მოსახლეობა.

ტენდერში გამარჯვებულმა კომპანიამ, სამუშაოები 32 თვეში უნდა დაასრულოს. შედეგად, ორი სოფლის 2 600 მცხოვრებელს სტაბილური წყალმომარაგება ექნება.

commersant.ge