სასტუმრო Quadrum-ის დამფუძნებელი ირაკლი ერისთავი "ბიზნესპარტნიორთან" ზაფხულის საკურორტო სეზონის ტენდენციებს განიხილავს და აცხადებს, რომ წელს გუდაური სტუმრების ნაკლებობას განიცდის.

„ზაფხულის პერიოდში მეტწილად არაბები და ინდოელები გვსტუმრობენ, დამსვენებლები ისრაელიდანაც ხშირად გვყავს.

რაც შეეხება ადგილობრივებს, ქართველებს გუდაურში ზაფხულის სეზონზე დიდად ვერ ნახავთ. ისინი ფაქტობრივად არ არიან, ვინაიდან მათ საკუთარი ბინები ან სახლები აქვთ და შესაბამისად იქ რჩებიან. ზოგადად კი ვფიქრობ, რომ ქართველებისთვის გუდაური ზაფხულში დასასვენებელ ადგილთან არ ასოცირდება. „ -აცხადებს ერისთავი.  

რაც შეეხება გამოწვევებს, როგორც სასტუმროს დამფუძნებელი აღნიშნავს, კურორტს პრობლემები მრავლად აქვს, როგორიცაა ნარჩენების გატანის პრობლემა, საკანალიზაციო და საფეხმავლო გზის პრობლემები. აღნიშნული კი მნიშვნელოვნად ამცირებს მომხმარებლების რაოდენობას გუდაურში.

ერისთავის განმარტებით, სასტუმროს ბოლო პერიოდში ფასები არ გაუზრდია და მეტიც, ზაფხულის სეზონზე სტუმრებს სხვადასხვა ფასდაკლებებს სთავაზობს.

სასტუმრო Quadrum-ის მენეჯერი ვარაუდობს, რომ აგვისტოს თვე შედარებით უკეთესი იქნება. 

business-partner.ge/