ახალი წელი საქართველოს სხვადასხვა კუთხეში სხვადასხვაგვარად აღინიშნება. ტრადიციულად თოვლის პაპა თეთრ ჩოხაში გამოწყობილი წვერულვაშიანი მოხუცია, რომელსაც მხარზე ხურჯინი აქვს გადაკიდებული. საახალწლო დღეებში ის ბათუმის საშობაო ბაზრობასაც სტუმრობს და ბავშვებს საჩუქრებით ახარებს.

25 დეკემბრიდან 7 იანვრამდე თქვენც შეგიძლიათ გაატაროთ ზღაპრული შობა-ახალი წლის დღეები ბათუმში, ევროპის მოედანზე. აქ ყოველდღე გელით: საშობაო ბაზრობა, ქართველი და უცხოელი შემსრულებლების საახალწლო კონცერტები, განსაკუთრებულად მორთული ნაძვის ხე, საშობაო დეკორაციები და განათებები წარუშლელ შთაბეჭდილებას დაგიტოვებთ და საახალწლო განწყობას შეგიქმნით.

საშობაო ბაზრობა - ევროპის მოედანზე საახალწლო დეკორაციებით მორთულ ჯიხურებში წარმოდგენილი იქნება ხელნაკეთი ეთნოგრაფიული სასაჩუქრე ნივთები, სხვადასხვა სახის ადგილობრივი ტკბილეულობა, ცხელი კერძები და სასმელები, რომელთა დაგემოვნებას ადგილზევე შეძლებთ. ყველაფერი ეს კი დაუვიწყარს გახდის ბათუმში გატარებულ საშობაო დღეებს.

საახალწლო კონცერტები - თუ გსურთ იხილოთ და მოუსმინოთ თქვენთვის სასურველ მუსიკალურ ბენდს ან მუსიკოსს საახალწლო განწყობის თანხლებით თქვენს წინაშე წარმოდგენილი იქნებიან ქართველი და უცხოელი შემსრულებლები 25 დეკემბრიდან 7 იანვრამდე, ევროპის მოედანზე.

საახალწლო ნაძვის ხე, დეკორაციები და განათებები - ბათუმი სტუმრებს წელს განახლებული ნაძვის ხითა და დეკორაციებით დახვდება ევროპის მოედანზე. მასთან გადაღებული ფოტოები კი წლების შემდეგ მოგაგონებთ ბათუმში გატარებულ დაუვიწყარ დღეებს.

ინფორამცია საახალწლოდ დაგეგმილი ღონისძიებების შესახებ შეგიძლიათ იხილოთ ქვემოთ:

25 დეკემბერი

• 18:00 - ნაძვის ხის ანთება და თეატრალური შოუ - ევროპის მოედანი

• 19:00 - ნინო ქათამაძე და ჯგუფი "ინსაითი" - ევროპის მოედანი

26 დეკემბერი

• 18:00 - ჯგუფი "loudspeakers" / თორნიკე ყიფიანი და ბენდი / ჯგუფი "The shraves" - ევროპის მოედანი

27 დეკემბერი

• 18:00 - ჯგუფი "Gravity" / Strawberry fields / The Mins - ევროპის მოედანი

31 დეკემბერი

• 20:00 - ჯგუფი Inner circle და კლარნეტისტი Giora Feidman - ევროპის მოედანი

1 იანვარი

• 20:00 - სოფო ხალვაში და Lou Bega - ევროპის მოედანი

2 იანვარი

• 20:00 - სტუდია "ჰარმონია", თითების თეატრი და Goofy land - ევროპის მოედანი

3 იანვარი

• 16:00 - საბავშვო ღონისძიებები - პიაცას მოედანი

• 20:00 - Backwormer / The Black marrows / Afternoon version - ევროპის მოედანი

4 იანვარი

• 16:00 - საბავშვო ღონისძიებები - პიაცას მოედანი

• 20:00 - Groove Report / The Jetbird / Salio - ევროპის მოედანი

5 იანვარი

• 20:00 - City Band / Soft Eject System / Green Room - ევროპის მოედანი

6 იანვარი

• 20:00 - ფოლკლორული კონცერტი ეთნო ჯაზ ჯგუფი ეგარი - ევროპის მოედანი

7 იანვარი

• 20:00 - ჯანო კახიძის 80 წლის საიუბილეო კონცერტი. თბილისის სიმფონიური ორკეტრი ვახტანგ კახიძის დირიჟორობით - ბათუმის ხელოვნების ცენტრი

14 იანვარი

• 20:00 - პროექტი "ნუ კარგავ წამს" - ბათუმის ხელოვნების ცენტრი

დამატებითი ინფორმაციისთვის შეგიძლიათ მიმართოთ ბათუმის ტურისტულ საინფორმაციო ცენტრს ყოველდღე 24 საათის განმავლობაში.