სომხური ავიაკომპანია თბილისიდან მოსკოვში ფრენებს განახორციელებს. რუსულენოვანი მედიის ინფორმაციით, ავიაკომპანია Armenia–მ რუსეთიდან ნებართვა უკვე მიიღო ფრენები ერევნიდან მოსკოვის მიმართულებით თბილისის გავლით 8 ივლისიდან დაიწყება.

ავიაკომპანია Armenia–ს რეისები Georgian Airways–თან იქნება შეთავსებული. გეგმის მიხედვით, ტრანზიტული რეისის თბილისი–ერევანი–მოსკოვის ლოდინის დრო ერევანში 50 წუთია.

ამას გარდა, სომხური ავიაკომპანია ტრანზიტულ ფრენებს განახორციელებს მოსკოვი-გიუმრი-ბათუმის მიმართულებითაც.შეგახსენებთ, რომ რუსეთის პრეზიდენტის განკარგულებით რვა ივლისიდან საქართველოსა და მოსკოვს შორის პირდაპირი ავია-მიმოსვლა შეწყდება.