თიბისი კაპიტალის მონაცემებით, 2022 წლის ივლისში 2019 წლის ივლისთან შედარებით სასტუმროების დატვირთულობა მნიშვნელოვნად 11 პროცენტული პუნქტით გაიზარდა.

მსხვილი ბრენდული სასტუმროების საშუალო დატვირთულობამ 2019 წლის მაჩვენებელს 12%-ით გადააჭარბა.

თბილისის სასტუმროების დატვირთულობის საშუალო კოეფიციენტმა 2019 წლის ივნისში რეგისტრირებულ დატვირთულობას 9%-ით გადააჭარბა და 2022 წლის ივლისში 76%-ი შეადგინა. რაც შეეხება ზღვისპირა რეგიონს, აჭარაში მნიშვნელოვანი ზრდა დაფიქსირდა და დატვირთულობამ 74%-ს  მიაღწია, რაც  2019  წლის ივნისთან შედარებით 9% ით მეტია. კახეთის რეგიონი ასევე განაგრძობს  დატვირთულობის მაღალ დონეს.

გაზრდილი საერთაშორისო მოგზაურობის და მიგრაციის ფონზე 2019 წელთან შედარებით Airbnb - ის შემოსავალი 10%-ით გაიზარდა.

თიბისი კაპიტალის კვლევაში მონაწილე ზოგიერთმა მცირე და საშუალო ზომის სასტუმრომ 2022 წლის ივნისში ნელ-ნელა  დაიწყო გახსნა და როგორც მოსალოდნელი იყო  საერთაშორისო ვიზიტორების მაღალი ნაკადის გამო მათმა დატვირთვამ ივნისში 30%-ი,  ხოლო ივლისში 68%-ი შეადგინა.

2019 წლის ანალოგიურ პერიოდთან შედარებით ივლისში, მსხვილ, ბრენდულ სასტუმროებში საშუალო დღიური მაჩვენებელი 100%-ით აღდგა.  მაღალი დატვირთვა გაზრდილ მოთხოვნაზე  მეტყველებს.

commersant.ge