1-ელ ოქტომბერს წყალტუბოში ტრადიციული სახალხო დღესასწაული ,,შემოდგომის წყალტუბო 2022“ აღინიშნება. წელს ქალაქის მთავარი დღესასწაული ყველაზე მასშტაბური და მრავალფეროვანი ღონისძიებებით იქნება დატვირთული.

სახალხო დღესასწაულს დაესწრებიან დელეგაციები წყალტუბოსთან დამეგობრებული ქალაქებიდან (შილუტე, სალდუსი, უნგენი, უნიევო ) სტუმრები გაეცნობიან ქართულ ეთნოგრაფიას, ფოლკლორს, მოეწყობა თეატრალიზებული წარმოდგენები, საგამოფენო სივრცეები. მთელი დღის განმავლობაში გაიმართება სხვადასხვა შემეცნებითი, კულტურული და სპორტული ღონისძიებები, დაიწურება ყურძენი და ჩამოისხმება ბრენდირებული ღვინო ,,წყალტუბო’’, იმერულ ფაცხებში კი სოფლის ნობათი და ტკბილეული იქნება წარმოდგენილი. ტრადიციულად გაიმართება წყალტუბოს საპატიო მოქალაქეების დაჯილდოების ცერემონია.

,,შემოდგომის წყალტუბო 2022“ საზეიმო კონცერტით დასრულდება. ღონისძიებას გახსნის ფოლკლორული ანსამბლი ,,ნადური’’, ლეგენდარული ანსამბლი „ქართული ხმები“ ქართველი კომპოზიტორთა შედევრებს შეასრულებს, დღესასწაულზე იმღერებს ასევე, გიორგი გაბუნიას ღამის შოუს ბენდი.

imedinews.ge